Пра гэта паведамляе сайт "Народныя навіны Віцебска" са спасылкай на прэс-службу Камітэта дзяржкантролю. Праверка, якую зрабіў КДК выявіла шматлікія парушэнні ў Оршы і раёне пры правядзенні капітальных рамонтаў жылля. Парушэнні гэтыя ішлі на працягу апошніх некалькі год: не выконваліся графікі капітальнага рамонту, выдзеленыя грошы асвойваліся не ў поўным аб'ёме, а тэрміны пераносілі з году ў год. Таксама зафіксаваныя выпадкі калі сродкі выдзеленыя на капрамонты пераходзілі на іншыя мэты.
Усё гэта выклікала незадаволенасць жыхароў, што і прывяло да праверкі. У выніку работнікі "Оршакамгасу" атрымалі дысцыплінарныя спагнанні, тэрміны выканання графікаў у 2018 годзе будзе кантралявацца выканкамам - таксама вызначаны тэрміны аднаўлення патрачаных немэтава сродкаў - а камітэт дзяржкантролю будзе кантраляваць сродкі выдзеленыя на капрамонты.
