Вакол Оршы і ў самі горадзе з канца 80-х называлася, прынамсі, 5 месцаў масавых расстрэлаў часоў Сталінскіх рэпрэсій. З іх на дадзены момант дакументальна даказана толькі адно - на Кабыляцкай гары, астатнія вядомыя па вусных сведчаннях людзей. Не вядомая і колькасць растраляных у Оршы, ды і ў кожным з гэтых месцаў. Што і нядзіўна - ўлада мэтанакіравана спрабуе замоўчваць тэму рэпрэсій.
Як жа ў такіх умовах маўчання вакол тэмы, дамагчыся мемарыялізацыі месцаў рэпрэсіяў? Як зрабіць, каб грамадства памятала пра рэпрэсіі, а родзічы растраляных маглі знайсці месца пахавання сваіх родных? Пра гэта пойдзе гаворка на круглым стале ў пятніцу 2 сакавіка, які пачнецца а 18-00 па адрасе вул. Камсамольская д. 16, кв. 4. Паўдзельнічаць можа любы ахвотны, папярэдняя рэгістрацыя не патрабуецца.
Гэтая дыскусія - першая з цыклу публічных абмеркаванняў, якія адбудуцца ў Оршы цягам вясны ў межах праграмы "Разам да справы"
