Уладзімір Лунёў і Віталь Скрыль віцебскім судом былі залічаны да стваральнікаў роліку "За што ў Оршы так не любяць Лукашэнку". Суд вырашыў, што хлопцы вырабілі "фрагмент" роліка (хаця артыкул адміністрацыйнага кодэксу не прадугледжвае адказнасці за выраб "фрагментаў"), які потым быў у эфіры тэлеканалу Белсат. Пры гэтым даказаць, што яны працуюць на сам тэлеканал суд не змог. У выніку ў віну хлопцам паставілі, што яны размаўлялі з аршанцамі запісваючы гэта на камеру (вулічнае апытанне на цэнтральнай плошчы Оршы). Сведкі падцвердзілі, што размаўлялі з хлопцамі, але сказаць дакладна ці былі гэта Лунёў і Скрыль, па інфармацыі сайта Беларускай асацыяцыі журналістаў, не змаглі.
У выніку суд абодвум хлопцам даў штрафу ў 588 рублёў. Канешне, з прысудам яны не згодныя і плануюць абскардзіць рашэнне суда.
