Аршанскі валейбольны клуб правёў два матчы 1-й лігі чэмпіянату Беларусі па валейболе супраць сталічнага МАПІДа. Нагадаем, аршанцы маглі не выйсці на матч з-за таго, што 4 месяцы гульцам не выплочваюцца грошы на харчаванне. З байкотам вырашылі пачакаць, магчыма, у бліжэйшыя дні пытанне з выплатамі закрыецца.
На жаль, набраць хоць адзін бал "Узлёту" не ўдалося. Дзве паразы 0:3 (20:25, 21:25, 21:25) і 1:3 (14:25, 19:25, 25:22, 27:29). Нагадаем, што паводле правілаў чэмпіянату, за перамогу 3:0 ці 3:1 клуб набірае 3 пункты, за вікторыю 3:2 - 2 пункты, за паразу 2:3 - 1 пункт, за паразы 1:3 ці 0:3 балы не налічваюцца.
Пасля дзвюх выйгрышаў МАПІД абагнаў у табліцы пастаўскі "Атлант-Д". "Узлёт" займае 4-е месца. Наша каманда мусіць замацавацца на ёй, пры гэтым мае шанцы зачапіцца за 3-ці радок, які займае баранавіцкі "Лакаматыў". Справа ў тым, што чыгуначнікі маюць 47 пунктаў, аршанцы 44. Але ў апошнім туры 12 і 13 красавіка "Узлёт" гуляе ў гасцях з менскім БДУ-РЦАР, што займае перадапошняе месца, а "Лакаматыў" паедзе ў госці да МАПІДа, якому неабходна заваяваць першае месца. Таму "Узлёт" можа апярэдзіць супернікаў.
