Ільготны праезд для школьнікаў да месца вучобы і да месца жыхарства з вучобы (па даведках) стаў ахвярай чарговага скарачэння выдаткаў. І хаця, чакалася, што гэта будзе часовая мера, працэс вяртання гэтай ільготы расцягнуўся. На сёняшні дзень па ўсёй вобласці толькі тры раёны ўвогуле вярнулі бясплатны праезд вучням школаў.
Прыемна адзначыць, што менавіта Аршанскі раён стаў першым хто вярнуў гэтую ільготу. Яшчэ ў канцы лютага стары склад раённага Савету дэпутатаў на сваім апошнім паседжанні пастанавіў аднавіць ільготу. Ужо потым такое ж рашэнне прыняў Гарадокскі раён, і зусім нядаўна - 15 сакавіка Лепельскі раён.
