Некалькі дзён таму orsha.eu паведамляў пра тое, што адменены апошні аўтобус, які злучаў Оршу і Смаленск. Раней аўтобусы па гэтым маршруце адпраўляліся з Смаленска кожную пятніцу ў 13:30. Аднак затым было прынята рашэнне пра адмену аўтобусаў. Высветлілася, што рэйсы дзяржаўных рэгулярных аўтобусаў сталі нерэнтабельнымі. Аршанскі аўтапарк абвінаваціў у гэтым нерэгулярных перавозчыкаў і вырашыў закрыць маршрут. Такую інфармацыю далі на смаленскім аўтапарку.
Смаленскае прадпрыемства “Смолоблпассажиртранс” ужо заявіла, што шукае іншага перавозчыка, з якім можна было б заключыць дамову на пасажырскія перавозкі ў Оршу.
