Аршанскі актывіст Руслан Канавалаў нарадзіўся ў Расіі ў Краснаярскім краі - асдсюль і расейскае грамадзянства. І хаця большую частку жыцця ён пражыў у Оршы, грамадзянства не мяняў. Для грамадскага актывіста грамадзянства суседней краіны дае некаторыя свае плюсы ў плане бяспекі.
У апошнія некалькі год Руслан рэдка бываў у Оршы - у пошуках падыходзячай работы ён з'ехаў спачатку ў Расію, а потым знайшоў падыходзячую вакансію ў Баранавічах дзе і здымаў кватэру. Сябры ведалі, што 25 сакавіка Канавалаў збіраўся ў Мінск, але ў выніку ні ў Мінску, ні ў Баранавічах яго некалькі не бачылі, на сувязь ён не выходзіў. У выніку, сябры звярнуліся ў правабарончы цэнтар "Вясна", які і заняўся пошукамі. Пошук актывіста пераўтварыўся ў цэлую спецаперацыю з удзелам дзясяткаў людзей па ўсёй краіне. Руслана ўдалося знайсці 29 сакавіка ў баранавіцкім ізалятары часовага ўтрымання. Як і многіх іншых актывістаў па краіне міліцыянты затрымалі яго, каб ён не паехаў на мінскі дазволены ўладамі канцэрт. Ужо ў міліцыі з'явілася падстава для больш доўгага затрымання. Грамадзяне Расіі фармальна раз у тры месяцы павінны выязжаць у РФ, пасля чаго могуць адразу вяртацца. Апошні дзень калі мог выехаць Руслан 21 сакавіка, але ён гэтага не зрабіў і з-за чатырох пратэрмінаваных дзён на яго быў складзены пратакол пра парушэнне міграцыйных нормаў. Цяпер Руслану будзе забаронены ўезд у Беларусь на 5 год, а пакуль у ізалятары ён чакае дэпартацыі.
