Нагадаем, што дубровенскую актывістку затрымалі 25 сакавіка прыблізна а 6 гадзіне раніцы, быццам з-за заявы былога намесніка старшыні мясцовага выканкаму аб абароне гонару і годнасці. Але ў самім РАУСе міліцыянтам падалося, што яна здымае на мабільны тэлефон абстаноўку, з прымяненнем фізічнай сілы двое міліцыянтаў адабралі мабільнік, а на яе склалі пратакол за непадпарадкаванне міліцыі.

То бок, на судзе асноўнае пытанне было: ці сапраўды Наталля рабіла нейкія здымкі, адпаведна, ці было парушэнне і ці мелі падставы міліцыянты накідвацца на жанчыну. Даказаць што Наталля здымала ў міліцыі, у прынцыпе, не атрымалася. Нават, суддзя сказаў, што верыць, што фотаздымкаў ці відэа на тэлефоне няма. Затоез другой спробы прысутныя змаглі пабачць відэа як на не высокую і худую Наталлю накідваюцца два здаровых міліцыянты ўнутры памяшкання міліцыі, круцяць ёй рукі і адбіраюць той самы тэлефон. Адзінае, што напіхнула міліцыянтаў на думку пра здымкі - гэта калі Наталля круціла апаратам, спрабуючы, злавіць інтэрнэт-сетку, каб праз камунікатар пагаварыць з мужам.

І хаця, атрымліваецца, што Наталля нічога не парушыла, а міліцыянты дарма прымянялі фізічную сілу, суд прыняў рашэнне - аштрафаваць жанчыну за непадпарадкаванне міліцыі за 8 базавых велічыняў.