Нагадаем, што Руслан Канавалаў быў у ліку тых рэгіянальных актывістаў, якіх міліцыянты затрымалі на 25 сакавіка, каб не дапусціць іх удзелу ў дазволены уладамі мітынгу-канцэрце. Праўда, затрыманы ён быў у Баранавічах дзе апошнім часам жыў і працаваў. Прыблізна трое сутак было нічога не вядома пра яго лёс. Аказалася, што ён на чатыры дні пратэрмінаваў неабходную для грамадзянаў іншых краінаў працэдуру - трэба раз на тры месяцы ездзіць у краіну свайго грамадзянства, а Руслан грамадзянін Расіі.
Вечарам у пятніцу ў суправаджэнні двух міліцыянтаў Канавалава даставілі на тэрыторыю Расіі, забараніўшы вяртанне ў Беларусь на працягу пяці гадоў. У Оршы з ім змаглі сустрэцца мясцовыя дэмакратычныя актывісты, якія перадалі некаторыя рэчы, якія ён пакінуў у Оршы.
Нагадаем, што Руслан нарадзіўся ў Краснаярску - адтуль і расейскае грамадзянства, але большую частку жыцця пражыў у Оршы. Тут ён у свой час узначальваў Моладзь БНФ.
