Беларуская чыгунка запусціць як пасажырскі цягнік маршрутам Мінск-Камунары/Камунары-Мінск, так і шэраг дадатковых прыгарадных цягнікаў. З Мінска на Камунары цягнік будзе адпраўляцца 14 і 28 красавіка а 16-20. У Оршу цягнік прыбывае а 19-31, а адпраўляцца а 20-05. У Касцюковічах (станцыя Камунары) састаў будзе а 23-42. Спыняцца цягнік будзе на больш-меньш буйных станцыях па маршруце: Жодзіна, Барысаў, Талачын, Руміно, Пагодзіна, Цёмны лес, Ходасы, Крычаў, Клімавічы і, канешне, сама Орша-Цэнтральная.
Зваротным маршрутам цягнік пойдзе 17 красавіка на Радаўніцу і 1 траўня ў дзень працы. Адпраўленне з Касцюковічаў а 14-50, прыбыццё ў Оршу а 18-22, адпраўленне з нашага горада 19-09 і прыбыццё ў Мінск а 22-21. У гэтым кірунку цягнік спыняецца на меньшай колькасці станцыяў: Клімавічы, Крычаў, Ходасы, Цёмны Лес, Пагодзіна, а з Оршы да Мінску і ўвогуле ідзе без прыпынкаў. У цягніку толькі плацкартныя і агульныя месцы.
З 27 красавіка па 1 траўня таксама будуць хадзіць дадатковыя цягнікі па маршруце Брэст-Масква-Брэст, Мінск-Масква-Мінск, Брэст-Смаленск. Павялічыцца і колькасць прыгарадных цягнікоў на гэтыя дні па ўжо звычайных маршрутах.
