Орша, Эканоміка

Год уздыму з руінаў і попелу

15.05.2018 07:01

3235 праглядаў, 4 каментара

Газета "СБ-Беларусь сегодня" падвяла вынікі перашага года "пад'ема Оршы з руінаў і попелу"

Год таму ў Оршы прайшлі адны з самых масавых у краіне пратэстаў супраць дыкрэта аб дармаедстве. Праз пару тыдняў пасля таго прэзідэнт агучыў што Аршаншчыну трэба падымаць "з руінаў і попелу". Праграма гэтага пад'ёма распрацоўвалася і часткова была запушчана яшчэ ў мінулым годзе. У сувязі з гэтым газета адміністрацыі прэзідэнта "СБ-Беларусь сегодня" выпусціла вялікі артыкул, які падсумоўвае вынікі работы праграмы за першы год. Галоўнымі героямі артыкула сталі мэр Оршы Аляксандар Пазняк і начальніца аддзела эканомікі выканкаму Галіна Свіціна. Яны адзначылі шэраг поспехаў, якія ўдалося дасягнуць за мінулы год: вялікі ўраджай хлеба, паляпшэнне цяпліцаў прадпрыемства "Цяплічны", новы малочны комплекс у Ларынаўцы і пачатак будаўніцтва яшчэ двух жывёлагадоўчых комплексаў. Таксама гаворыцца пра добраўпарадкаванне Копысі, здачу новых будынкаў (бальніца, дзіцячы садок і жыллё). Палепшылася сітуацыя ў галіне бізнэсу за кошт розных ільготаў, было створана 160 рабочых месцаў і г.д. Меньш гаворыцца пра правалы за год. Праблемы былі адзначаныя на наступных прадпрыемствах: завод "ПАК", Оршаагропроммаш, інструментальны завод і, канешне, Аршанскі авіярамонтны. Цалкам прачытаць артыкул можна тут.