Рэгіён, Эканоміка

«Брэміна» — да канца лета

26.05.2018 09:36

3569 праглядаў, 7 каментароў

Асаблівую эканамічную зону "Брэміна-Орша" плануецца стварыць да канца лета. Партнёрам будзе Індыя.

Пра гэта паведаміў журналістам дырэктар ТАА "Брэміна груп" Васіль Дземянцей, перадае карэспандэнт БЕЛТА. "Падрыхтаваны праект указа аб стварэнні асаблівай эканамічнай зоны "Брэміна-Орша", ён знаходзіцца на разглядзе ў Саўміне. Зараз ідзе дыскусія па прэферэнцыях, якія будуць нашай эканамічнай зоне прадастаўлены. Думаю, да канца лета рашэнне будзе прынята", - расказаў Васіль Дземянцей. Ён удакладніў, што гэта будзе другая адмысловая эканамічная зона ў Беларусі. Першая была створана ў Кітайска-беларускім індустрыяльным парку "Вялікі камень". Па словах дырэктара "Брэміна груп", ўпор у эканамічнай зоне будзе зроблены на супрацоўніцтва з Індыяй. "Калі ў "Вялікім камені" асноўны партнёр — гэта Кітай, то ў нас будзе Індыя. У пачатку чэрвеня да нас прыедзе група бізнесоўцаў з гэтай краіны, будзем абмяркоўваць сумесныя праекты", - растлумачыў ён.