Чарговы раз аварыя на вуліцы Міру прывяла да значнага затору ў горадзе. Хаця Міру і можна аб'ехаць іншымі шляхамі, большая частка транспарту як прыватнага, так і грамадскага ідзе з Цэнтру ў бок прывакзальных раёнаў менавіта праз раён Усходняй. А дарога на Усходняй даволі вузкая і любая аварыя прыводзіць да сур'ёзных праблемаў.
На гэты раз 29 чэрвеня каля 17 гадзін затор тут утварыўся з-за лёгкага сутыкнення машыны таксі і іншай легкавушкі. У бок цэнтра затор расцягнуўся да бальніцы Сямашка, а ў бок Чаромушак аж да маста "бутэлечнага горлышка". Пачыналася гадзіна пік, і ДАІ імкнулася як мага хутчэй разабрацца ў аварыі, каб зняць перашкоды руху.
