Супрацоўнікі аддзела па наркакантролю і супрацьдзеянню гандлю людзьмі знайшлі ў жыхара Оршы 250 грамаў высушанай марыхуаны. Як паведамілі ў міліцыі, затрыманне адбылося 27-га чэрвеня а 17:40. На непрацуючага аршанца заведзена крымінальная справа па частцы 3 артыкула 328 Крымінальнага кодэкса Рэспублікі Беларусь. Яму 21 год. Як папярэдне ўстаноўлена, наркотыкі меліся збывацца шляхам закладак. Фактычна, гэта была інтэрнэт-крама па распаўсюду наркотыкаў.
У мінулы раз марыхуана фігуравала ў Оршы ў лютым, калі на Воз-Ан-Влен затрымалі 36-гадовага мужчыну. У яго было 23,9 грама марыхуаны.
