Орша, Эканоміка

А за праезд — плаціце!

30.06.2018 12:16

2893 прагляду, 7 каментароў

З 1 ліпеня школьнікам таксама трэба аплачваць праезд.

Пастанова Савета міністраў аб бясплатным праездзе школьнікаў у транспарце з неабходнай для гэтага даведкай распаўсюджвалася толькі на навучальны год. З 1 ліпеня па верасень вучні таксама мусяць аплачваць праезд у грамадскім транспарце. У Менску для гэтага яшчэ зроблена выключэнне, там навучэнцы могуць ездзіць бясплатна, апрача вучняў 9 і 11 класаў, якія ўжо атрымалі атэстаты. На Оршу гэта не распаўсюджваецца, канкрэтнай пастановы пра бясплатны праезд вучняў з 1 ліпеня па 1 верасня, наколькі вядома нашаму сайту, няма. Таму два месяцы вучні будуць таксама набываць квіткі на праезд.