Нагадаем, што пасля адной з нарадаў у Балабасава пра будучы лёс Аршанскага авіярамонтнага заводу, СМІ паведамілі, што асабісты самалёт тады яшчэ ўладальніка заводу Вячаслава Багуслаева не быў выпушчаны з Балбасава. Тады шмат хто з экспертаў казаў, што, бачна, самалёт пакінуты ў закладнікі для таго, каб Багуслаеў "без бою" аддаў завод назад у дзяржаўную ўласнасць. Зусім нядаўна Лукашэнка афіцыйна абвесціў пра вяртанне завода дзяржаве.
А што ж самалёт? Па інфармацыі партала tut.by, самалёт вернуты яго ўладальніку. За пару тыдняў да прыезду Лукашэнкі на завод самалёт змог пакінуць яго тэрыторыю і вярнуцца ва Ўкраіну. Завод дзяржаве - самалёт Багуслаеву, так мірна вырашылася пытанне маёмасці ў Балбасава. Насамрэч, для Багуслаева гэта не кепскі варыянт. Балбасаўскі завод не стаў для "Мотар Січ" паспяховым бізнэс праэктам па аб'ектыўных прычынах, хатое прынес вялікія растраты грошай (сам Багуслаеў ацэньваў інвестыцыі ў 20 мільёнаў даляраў) і выклікаў канфлікт інтарэсаў на самім прадпрыемстве ("Мотар Січ" - не адзіны ўладальнік завода). Пры гэтым, у Багуслаева з'явіліся прабелмы ў самой Украіне, вырашэнне якіх было больш прыярытэтным чым Балбасаўскае пытанне.
