Амаль 12 гадоў у краіне дзейнічае знакаміты дэкрэт №18 "Аб дадатковых мерах па дзяржаўнай абароне дзяцей у недобранадзейных сем'ях". Паводле гэтага дэкрэта, у недронадзейных сем'яў могуць адбіраць дзяцей і змяшчаць іх у інтэрнат. Пасля адбірання сем'і мусяць кампенсоўваць дзяржава выдаткі на ўтрыманне сваіх дзяцей, нават, калі знаходзяцца ў месцах пазбаўлення волі. Адзінае выключэнне калі бацькі могуць не плаціць за ўтрыманне дзяцей у дзяржаўных установах - гэта хваробы. Спіс такіх хваробаў маецца ў пастанове №36 Міністэрства аховы здароўя ад 2010 года. Прычым, у спісе ёсць як невылечныя хваробы, так і тыя якія лечацца і чалавек можа працаваць.

Паводле адказу выканкаму ад 21.05.2018 за подпісам намесніка старшыні Смірноўскага, у Аршанскім раёне 31 сям'я па стане здароўя вызвалена ад выплаты сродкаў на адабраных дзяцей. У некаторых з гэтых людзей дзеці на дзяржаўным утрыманні 1 год, а ў некаторых і больш за 10. Але па інфармацыі Алены Кашынай, некаторыя з гэтых людзей маюць вылечваемыя хваробы, пры тым, што і штогадовую медычны агляд (на прадмет выздараўлення) гэтыя людзі таксама не праходзяць. У выніку, шэраг сем'яў маглі б ужо выплочваць дзяржаве сродкі на ўтрыманне сваіх дзяцей, але не робяць гэтага, бо адмысловай праверкі медыкамі і даведак ад іх не патрабуюць. У тым жа адказе ад выканкаму гаворыцца, што гэтае пытанне заканадаўствам "не ўрэгуляванае".

Калі гэта ўсё так, то дзяржава страчвае сродкі на ўтрыманне дзяцей з-за работы адмысловых чыноўнікаў.