Пра тое, што мэр Оршы Аляксандар Рыгоравіч Пазьняк пабываў на помніку ахвярам сталінскіх рэпрэсій ён паведаміў сам на сустрэчы з родзічамі растраляных у Оршы. Гэта ўжо другая сустрэча паміж гарадскімі ўладамі і ініцыятыўнай групай родзічаў ахвяраў рэпрэсіяў.
На першай сустрэчы размова ішла пра магчымасць стварэння ў Оршы помніка прысвечанага падзеям 1930-х гадоў. Тады выканкам пагадзіўся за свой кошт аднавіць даўно скрадзеную таблічку на памятным камяні ва ўрочышчы "Кабыляцкая гара". На гэты раз гаворка ішла пра тэкст, які мусіць быць на гэтай таблічцы.
Сваякі растраляных прапанавалі тэкст "Ахвярам палітычных рэпрэсій" на беларускай, рускай, польскай мовах і яўрыце. Менавіта прадстаўнікоў гэтых нацыяў больш за ўсё было растраляна ў Оршы паводле адкрытых спісаў. Але справа ўсталёўкі шыльды не такая хутка - цяпер трэба пралічыць ейны кошт, узгадніць яе выгляд з усімі патрэбнымі службамі.
