Згодна з Указам № 297 «Аб правядзенні эксперыменту», ІП і юрыдычныя асобы, якія гандлююць пры дапамозе арганізацыі гандлёвай сеткі або буйных крам, з 1 жніўня 2018 года па 31 снежня 2022 года могуць купляць і арандаваць дадатковую гандлёвую плошчу для гандлёвага абслугоўвання ў Аршанскім раёне.
Такім чынам, у рэгіёне фактычна адмянілі ліміты для гандлёвых сетак па адкрыцці новых кропак. Пры гэтым эксперымент распаўсюджваецца толькі на тых удзельнікаў рынку, доля якіх у аб'ёме рознічнага тавараабароту перавышае 20%.
Адзіная сетка ў нашай краіне, якая блізкая да дадзенага паказчыку, - «Еўраопт», піша Office life. Раней ТАА «Еўрагандаль» (заснавальнік сеткі «Еўраопт») прапанавала ўнесці змены ў закон аб гандлі ў частцы інфраструктурнага абмежавання развіцця гандлёвых сетак пры дасягненні долі 20% у аб'ёме рознічнага тавараабароту харчовых тавараў. Сетка прапаноўвала павялічыць гэтую долю да 35% ці ўвогуле прыбраць.
У адказ на гэта Міністэрства антыманапольнага рэгулявання і гандлю заявіла аб тым, што яно выступае супраць манапалізацыі рынку рознічнага гандлю.
