1 USD
= 2.50 BYN
1 EUR
= 2.97 BYN
10 PLN
= 6.50 BYN
10 CNY
= 3.87 BYN
100 RUB
= 3.42 BYN
100 UAH
= 9.32 BYN
03:00

+17

3 м/с

987 гПа

06:00

+17

3 м/с

985 гПа

09:00

+19

6 м/с

983 гПа

12:00

+27

10 м/с

981 гПа

15:00

+25

9 м/с

981 гПа

Орша, Эканоміка

Разнос на Інструментальным

13.08.2018 21:48

4358 праглядаў, 19 каментароў

Лукашэнка зладзіў скандал на аршанскім Інструментальным заводзе, бэсціў "паказуху" ў Оршы і пагражаў міністру турмой.

13-га жніўня з візітам у Оршу прыехаў прэзідэнт Беларусі Аляксандр Лукашэнка. У ліку іншага ён накіраваўся на надзвычай праблемны Інструментальны завод. Пры гэтым у размовах Лукашэнка спыніўся не толькі на стане спраў. Ён раскрытыкаваў "паказуху", з якой наводзілі парадак вакол завода перад яго прыездам:

Вы не любіце людзей, не любіце вы завод. Калі ўжо робіце тут нейкую паказуху, зрабіце бардзюр, але навошта ў траву класці асфальт. Гэта што, культура? Вось за гэта чыноўнікаў і ненавідзіць часам народ — за вашы бесталковасць і бязладдзе.

Лукашэнка быў у гневе ад убачанага на заводзе. Пад агонь крытыкі апынуўся дырэктар Інструментальнага Уладзіслаў Бардзюкоў:

Хутчэй за ўсё, міністра (міністра прамысловасці Віталя Ваўка) сюды накіруем да цябе працаваць. У яго два шляхі, або ў турму, або сюды — публічна пра гэта кажу. Пакуль двойка з мінусам і да цябе прэтэнзій мора. Ніколі не займайся ашуканствам. Ты — малады кіраўнік. Ты тут галоўны. Не дай бог, я перад новым годам прыеду, і маё вока ўчэпіцца дзесьці за нешта. Ты ведаеш, што будзе.

Як перадаў тэлеканал "Беларусь-1", яшчэ вызначыцца, на якой пасадзе будзе працаваць у Оршы Віталь Воўк.

Акрамя таго, Лукашэнку крайне не задаволілі ўмовы працы рабочых Інструментальнага. Як перадае яго прэс-служба, прамова прэзідэнта была наступнай:

Хіба гэта працоўныя месцы?! Вязніца нейкая! Катаржныя людзі працуюць за 200 даляраў у месяц.

Нагадаем, што за цэлы год на Інструментальным заводзе з 400 станкоў былі мадэрнізаваныя толькі 4. Прэзідэнт звярнуў увагу, што недалёка ёсць станказавод "Чырвоны барацьбіт". Дарэчы, яго кіраўнік Аляксандр Шульгін таксама прысутнічаў падчас візіту Лукашэнкі ў Оршу. Ён пацвердзіў, што яго завод можа аператыўна паставіць большасць неабходнага абсталявання. Гэтая заява выклікала сарказм з боку вядомага блогера Віктара Малішэўскага, які прывёў дадзеныя Гугл Мапаў пра адлегласці паміж заводамі, паміж якімі мусяць здзейсніцца пастаўкі. Гэта ўсяго 353 метры наўпрост, а калі па дарозе, дык каля 1 км.

Як звычайна, візіт адбываўся пры надзвычайных мерах засцярогі і аховы. Нашай рэдакцыі стала вядома, што некалькі чалавек спазніліся на працоўныя месцы з-за таго, што вуліца Міра была перакрытая на некалькі хвілін для праезду прэзідэнцкага картэжу. У горадзе на вуліцах следвання Лукашэнкі назіралася вялікая колькасць міліцыі і людзей у цывільным.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Разнос на Інструментальным

Лукашэнка зладзіў скандал на аршанскім Інструментальным заводзе, бэсціў "паказуху" ў Оршы і пагражаў міністру турмой.

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты orsha.eu@gmail.com

Пользовательское соглашение