Пра гэта паведамляецца ў рэпартажы тэлеканала Белсат, які выйшаў у эфір 23 жніўня. Некалькі работнікаў не пачалі работаць у патрэбныя 8 гадзін раніцы, а сабраліся каля офісу арганізацыі, каб пагаварыць з кіраўніцтвам.
Прычына такога стыхійнгаа пратэсту - нізкія заробкі. Па словах работнікаў, зарабляюць яны сваёй працай мала і выжываюць за кошт таго, што дзяржаўнае прадпрыемства даплочвае работнікам да неабходнай мінімалкі. Але і за тую мінімалку пражыць сёння амаль не магчыма. У самім прадпрыемстве гэта патлумачылі аб'ектыўнымі прычынамі - на ўсіх не хапае работы. А работы не хапае, бо перад абласнымі "Дажынкамі" ўся камунальная гаспадарка ў раёне была адрамантаваная і цяпер паслугі рамонтнікаў не патрабуюцца.
