Нагадем, што адразу пасля ўчорашняга суда, які пастанавіў, што дзве абрэвіятуры, якія былі на нашыўках фаната ФК "Орша" з'яўляюцца экстрэмістскімі, міліцыянты правялі агляд кватэры ў якой жыве Аляксей. Агляд - гэта больш лёгкая форма вобшука.
Агляд доўжыўся даволі не доўга. Пад час яго міліцыянты забралі калекцыю налепак на якіх былі анархісцкія, экалагічныя і антыфашыстскія лозунгі. Пасля чаго разам з міліцыянтамі Аляксей паехаў у адзін з апорных пунктаў, дзе праваахоўнікі заадно прагледзелі яго мабільны тэлефон (першы мабільны тэлефон канфіскаваны яшчэ пры затрыманні, да гэтае пары знаходзіцца на экспертызе).
Відавочна, што працяг гісторыі яшчэ наперадзе. Нават, калі на самога Аляксея не завядуць дадатковай справы, зараз у руках міліцыянтаў ёсць падставы, каб распачаць арышты тых хто мае прызнаныя экстрэмісцкімі абрэвіятуры па ўсёй краіне.
