Орша, Здарэнні

Разбіў машыну палкай

11.09.2018 13:23

3699 праглядаў, 6 каментароў

П'яны аршанец ноччу ў адказ на заўвагу з палкай кінуўся на чужую машыну.

У Оршы п'яны мужчына пасля заўвагі суседзяў палкай разбіў чужую машыну, паведаміў афіцыйны прадстаўнік УУС Віцебскага аблвыканкама Віталь Сапроненка. Ноччу 32-гадовы мужчына, ладна выпіўшы, захацеў пракаціцца на сваім матацыкле. Спусціўся ў двор і пачаў заводзіць жалезнага сябра. Транспартны сродак з месца не зрушыўся, уладальнік матацыкла пачаў крычаць і разбудзіў жыхароў шматпавярховіка. Яму зрабілі заўвагу, але аршанец з-за гэтага яшчэ больш раззлаваўся, узяў палку і пачаў біць першую машыну, якая трапіла ў ягонае поле зроку. Суседзі выклікалі міліцыю, піша Белта са спасылкай на праваахоўнікаў. У выніку ў аўтамабіля, які зазнаў атаку, пашкоджаны кузаў, разбітыя задняе і бакавое шкло. Шкода склала 312 рублёў. У дачыненні да хулігана распачалі крымінальную справу па ч.1 арт.339 КК.