Конкурс на пасажырскія перавозкі ў Оршы праходзіў 14 красавіка і быў арганізаваны Віцебскім абласным камунальным транспартным унітарным прадпрыемствам «Аператар перавозак». Прадпрымальнік падаў заяўку на адзін з маршрутаў і па выніках конкурсу быў прызнаны пераможцам. Аднак 23 красавіка пры афармленні пратаколу па выніках праведзенага конкурсу, простай большасцю галасоў членаў камісіі было прынята рашэнне аб нядопуску конкурснага прапановы гэтага ІП да ўдзелу ў конкурсе. Ён не прадаставіў копію даведкі аб валоданні або карыстанні аўтобусам, што ў ВАКТУП палічылі падставай для перадачы маршруту іншым бізнэсоўцам - прыватнаму транспартнаму ўнітарнаму прадпрыемству «Э».

У судовым пасяджэнні, якое адбылося 15 жніўня, ВАКТУП «Аператар перавозак» паказаў, што лічыць сябе неналежным адказчыкам, у задавальненні зыскавых патрабаванняў прасіў адмовіць, паколькі парушэнняў, якіх дастаткова для адмены праведзенага конкурсу, няма. Яго падтрымаў прадстаўнік Аршанскага раённага выканаўчага камітэта, які заявіў, што парушэнняў пры правядзенні конкурсу не было, паведамляе ННВ. Аднак суд, з улікам доказаў, якія ёсць у матэрыялах справы, прыйшоў да высновы, што адказчыкам пры правядзенні конкурсу былі дапушчаныя істотныя парушэнні, якія паўплывалі на вынікі конкурсу. Па рашэнні Эканамічнага суда Віцебскай вобласці вынікі таргоў - конкурсу на права выканання аўтамабільных перавозак пасажыраў у рэгулярных зносінах прызнаныя несапраўднымі. ВАКТУП «Аператар перавозак» абавязалі выплаціць на карысць прадпрымальніка 245 рублёў у пакрыццё расходаў па аплаце дзяржаўнай пошліны.

Па заяве адказчыка пададзеная ім апеляцыйная скарга пакінутая без разгляду, паведамляе прэс-служба эканамічнага суда Віцебскай вобласці. Рашэнне суда першай інстанцыі 19 верасня ўступіла ў законную сілу.