Вялікая белая чапля - рэдкая птушка для нашай краіны (хаця яе папуляцыя безупынна расце). Тым больш дзіўна пабачыць гэты від чаплі ў горадзе - звычайна гэтыя птушкі селяцца падалей ад чалавека. Тым не меньш, літаральна на мінулым тыдні адну такую птушку можна было назіраць на Дняпры не далёка ад гарадскога пляжу.
Рэдкасць гэтай птушкі тлумачыцца тым, што вялікая белая чапля жыве ў больш цёплых рэгіёнах і толькі ў апошнія два дзесяцігоддзі яна з'явілася на Віцебшчыне. Першую калонію гэтай птушкі навукоўцы змаглі паназіраць толькі ў 2011 годзе.
Прапануем вашай увазе відэа на якім бачна як "аршанская" чапля палявала ў Дняпры.
Відэа Віктара Траццякова.
