Цягнік № 328/327 будзе курсіраваць круглы год адзін раз у тыдзень адпраўленнем са сталіцы Беларусі па серадах у 21.55 і прыбыццём у сталіцу Татарстана па пятніцах у 17.53. З Казані цягнік будзе адпраўляцца з 15 снежня па суботах у 7.43 і прыбываць у Менск па панядзелках у 5.13, - паведамляецца на афіцыйным сайце БЧ.
Чыгуначны вакзал Казані, фота "Единая справочная".
Цягнік будзе праходзіць праз Смаленск, Тулу, Ражск, Пензу, Сызрань і Ульянаўск. У складзе цягніка прадугледжаны бесперасадачныя вагоны Гомель - Казань і Берасце - Казань, якія дазволяць звязаць беларускія абласныя і раённыя цэнтры - Гомель, Магілёў, Оршу, Берасце, Баранавічы з буйнымі рэгіёнамі Расейскай Федэрацыі. Таксама расклад цягніка прадугледжвае зручную перасадку з раённых і абласных цэнтраў Менскай і Гарадзенскай абласцей (Гародня, Масты, Ліда і Маладзечна) па станцыі Менск-Пасажырскі і Віцебскай вобласці па станцыі Орша-Цэнтральная.
Квіткі пачнуць прадаваць за 45 дзён да адпраўлення.
