Традыцыйна статыстычная арганізацыя прыводзіць не толькі дадзеныя даследуемага кварталу, але і дадзеныя за такі ж перыяд мінулага году дл параўнання.
Як і раней, большасць паказчыкаў развіцця нашага рэгіёну працягваюць падаць.
Не значна зменьшылася колькасць жыхароў раёну - 159.027 чалавек у параўнанні з 159.412 у першым квартале мінулага году. Затое амаль на 2.000 зменьшылася колькасць занятых у эканоміцы людзей - 66.274 у параўнанні з 68.106 у мінулым годзе, што і не дзіўна - па шмат якіх установах ідуць скарачэнні. Пры гэтым, беспрацоўе таксама працягвае скарачацца. Сёння на ўліку ў службе занятасць стаіць толькі 0,7% працаздольнага насельніцтва (у мінулым годзе - 0,9%).
Падзенні назіраюцца і ў сельскай гаспадарцы. Агулам вытворчасць за квартал склала 88,5% ад такога ж перыяду ў мінулым годзе.
У прыватнасці, на 1.000 тон зменьшылася вытворчасць мяса, прыблізна на 500 тон вытворчасць малака, амаль на 2.000.000 штук вытворчасць яек.
Агульны прыбытак усіх арганізацый раёну аказаўся адмоўным -3.708 мільёнаў рублёў. У мінулым годзе за першы квартал мінус складаў 6.741 мільёнаў рублёў. Рэнтабельнасць продажаў склала 7%, у мінулым перыядзе - 8,3%. Вырасла колькасць стратных арганізацый. У мінулым годзе - 14,8 %, у гэтым перыядзе - 17,6%.
У разы выраслі запазычанасці. Па падатках, зборах і сацыяльнаму страхаванню запазычанасць вырасла прыблізна ў чатыры разы і склала 13.594 мільёны рублёў. За энэрга рэсурсы запазычанасць вырасла больш як у тры разы - 18.986 мільёнаў рублёў.
Запазычанасць па крэдытах вырасла амаль у двая - 70.755 мільёнаў рублёў.
Запасаў не рэалізаванай прадукцыі на складах - 103,1% ад выпускаемай за месяц. Сальда знешняга гандлю адмоўнае - 1.986,5 тысяч даляраў.
Сярод пазітыўных дадзеных можна адзначыць рост амаль на 1.000 галоў буйной жывёлы, некаторы рост знешняга гандлю ў абсалютных лічбах (пры гэтым, не значнае змяньшэнне яго ж у аб'еме знешняга гандлю ўсёй Віцебскай вобласці). Рост заробкаў на 104,1% (у мінулым годзе рост быў 124,2%)
