У Дубровенскім раёне на сёняшні дзень пражывае 15.230 чалавек, гэта не на шмат меньш чым у першым квартале мінулага года - 15.621. Колькасць людзей занятых у эканоміцы, як і ў Аршанскім раёне таксама змяньшаецца -6.544 чалавекі ў параўнанні з 6.981 чалавекам у мінулым годзе. На Дубровеньшчыне назіраецца павелічэнне вытворчасці ў прамысловасці - 102,4% у параўнанні з мінулым годам, а на складах ляжыць толькі 16,4% выпускаемай за месяц прадукцыі, што значна меньш чым у Аршанскім раёне. Пры гэтым, працэнт змяньшаецца - у мінулым годзе было 45,5%. Гаспадарка раёна спрацавала ў + і чысты прыбытак раёна склаў 3.847 мільёнаў рублёў. Хаця рэнтабельнасць продажаў складае мінус 1%. Стратныя прадпрыемствы складаюць - 16% (было 20%). Сальда знешняга гандлю на Дубровеншчыне таксама станоўчае 103 тысячы даляраў на карысць беларускай эканоміцы. Горш сітуацыя ў сельскай гаспадарцы ў параўнанні з першым кварталам мінулага году выпуск прадукцыі склаў 72,1%. Найгорш сітуацыя выглядае па вытворчасці мяса. Яго Дубровенцы вырабілі 814, а ў такі ж перыяд мінулага году - 1.742 тоны.
Пры тым, што статыстыка па Дубровенскім раёне не настолькі кепская як па Аршанскім, запазычанасці тут таксама растуюць вельмі хутка. Так, па падатках, зборах і сацыяльным страхаванні рост запазычанасці за год вырас амаль у 10 разоў - 1.240 мільёнаў у гэтым годзе, тады як у мінулым годзе было 136 мільёнаў. За энэргарэсурсы 1.954 мільёны ў гэтым годзе супраць 1.636 у мінулым. Па крэдытах - 15.099 у гэтым годзе і 11.418 у мінулым. Таксама тут ёсць запазычанасць па арэндзе, якая склала 500.000 рублёў.
