Асноўныя паказчыкі развіцця Талачынскага раёну даволі падобныя на паказчыкі Аршанскага і дубровенскага - адрозніваюцца толькі лічбы.
Так, у раёне знізілася колькасць насельніцтва. Сёння на Талачыншчыне пражывае 26.123 чалавекі, у першым квартале мінулага году пражывала 26.610 чалавек.Зніжаецца і колькасць занятых у эканоміцы, гэтая лічба зменьшылася амаль на 600 чалавек і склала 11.052.
Велізарнае падзенне адбылося ў сельскай гаспадарцы. У першым квартале выраблена толькі 49,3% прадукцыі ад той колькасці якая была выраблена ў такі ж перыяд мінулага году. Найбольшае падзене адбылося ў вытворчасці мяса. Калі ў першым квартале мінулага году мяса на ўбой было выраблена 2.745 тон, то ў гэтым годзе за такі ж перыяд - 836 тон. Па малаку падзенне адбылося больш чым на 2.000 тон і склала 7.812 тоны
Пры гэтым па фінансах раён значна вырас. Чысты прыбытак ад рэалізацыі прадукцыі ў беларускіх рублях вырасла амаль у 5 разоў - 10.895 мільёнаў. Вырасла і рэнтабельнасць продажаў. У мінулым перыядзе яна была роўнай 2,9%, у гэтым перыядзе 6,3%.
Пры ўсім пры тым, як і ў Аршанскім і Дубровенскім раёнах расце запазычанасць за энэргарэсурсы, па падатках і крэдытах.
