Непрыемнае здарэнне адбылося ў ноч на 31 кастрычніка. У 04-40 у у Аршанскі ГРАНС паступіла паведамленне аб задымленні ў пад'ездзе па адрасе вуліца Леніна, 178. Пасля прыбыцця да месца выкліку ратавальнікаў назіралася задымленне ў кватэры на дзевятым паверсе шматкватэрнага жылога дома. Гаспадар, 42-гадовы мужчына, непрацуючы, пражывае адзін.
Праз 13 хвілін пасля выкліку работнікамі МНС у складзе звяна ГДЗС быў вынесены з кватэры гаспадар, які знаходзіўся ў пакоі на канапе, паведамляе МНС. Ён быў перададзены брыгадзе хуткай медыцынскай дапамогі, з папярэднім дыягназам "апёк спіны 1-3 ступені (15% цела) і атручванне прадуктамі гарэння". Мужчына шпіталізаваны ў Аршанскую гарадскую бальніцу №1. Эвакуацыя жыхароў пад'езду не праводзілася.
У выніку пажару ў пакоі пашкоджана маёмасць, закураны сцены. Разгляданая версія прычыны ўзнікнення пажару - неасцярожнае абыходжанне з агнём пры курэнні гаспадара.
