Крадзеж здарыўся яшчэ 6-га лістапада, але Аршанскі РУУС толькі цяпер пацвердзіў здарэнне. 25-гадовая непрацуючая аршанка звярнулася ў міліцыю ноччу, яна паведаміла, што ў перыяд з 21 гадзіны 30 хвілін да 22 гадзін 50 хвілін яе мабільны тэлефон быў пакінуты без нагляду ў гульнявым клубе. Гэтым скарыстаўся хтосьці з наведвальнікаў і скраў яго. Кошт скрадзенага тэлефона 425 рублёў. Высветлілася, што скралі мабільнік два заўсёднікі гульнявога клуба 1982 і 1983 гадоў нараджэння.
Прыкметы гэтых гульцоў-злодзеяў былі перададзеныя ўсім патрульным нарадам. Праз некалькі хвілінаў супрацоўнікі патрульна-паставой службы Аршанскага РУУС затрымалі падазраваных. У аднаго з іх і быў выяўлены тэлефон, які зламыснікі ўжо паспелі выключыць. Па факце крадзяжу ўзбуджана крымінальная справа па частцы 1 артыкула 205 КК Рэспублікі Беларусь.
