Зараз Орша - адзіны вялікі горад Віцебскай вобласці дзе ў гарадскім грамадскім транспарце абвесткі пра прыпынкі гучаць не па-беларуску. У гарадах іншых абласцей таксама абвесткі беларускамоўныя. Некалькі год таму сябры Таварыства беларускай мовы ўжо звярталіся ў аўтапарк з прапановай перакласці і агучыць абвесткі, больш за тое, запіс актывісты маглі зрабіць за свой кошт - ад чыноўнікаў патраавалася толькі запусціць яго ў аўтобусы. Аўтапарк выказаўся за прапанову, але на ўзроўні аршанскага выканкаму ідэя спынілася.
Цяпер актывісты вырашылі пайсці іншым шляхам - на сайце petitions.by распачаты збор подпісаў пад зваротам у выканкам і "Віцебскаблтранс" з чарговай прапановай зрабіць абвесткі на роднай мове. На дадзены момант пад петыцыяй сабрана ўжо больш за 100 подпісаў. Падпісацца можна тут.
