Лера, напэўна, самая вядомая з сучасных ураджэнак Багушэўска. Яшчэ жывучы ў мястэчку яна пачала займацца музыкай, хаця з двух спробаў мясцовую музычную школу так і не скончыла. Затое з'ехаўшы з Багушэўска ў вялікі свет дзяўчына хутка стала станавіцца знакамітай. Яе слава ішла ад уласнага каналу на ю-туб (больш за 500 тысяч падпісчыкаў) да рэйтынгавага украінскага шоў x-factor (мільёны гледачоў). Яна нярэдка давала інтэрв'ю, але, пэўна, самае разгорнутае дала нядаўна онлайн шоў "Ток" выдання "Наша Ніва". Не менш за чвэрць усяго відэа-інтэрв'ю Леры прысвечана роднаму Багушэўску і хаця на словах Лера не зусім прыязна адгукаецца пра маленькі гарадок, у той інтанацыі з якой яна ўзгадвае малую радзіму бачна, што мястэчка ёй дарагое.
Прапануем вашай увазе яе інтэрв'ю цалкам.
