Заходняя - гэта практычна прыгарад Оршы, частка раёну, нават, лічыцца вёскай, а не горадам. Звычайна ў такіх раёнах - далёкіх ад цэнтра - вельмі слабая інфраструктура. І хаця тут жыве шмат людзей, гандаль у раёне развіты слабавата. У прыватнасці, адзіная аптэка ў раёне была зачынена каля 5 гадоў таму. Хаця ў раёне даволі шмат пенсіянераў, аптэку зачынілі з-за не рэнтабельнасці: месца для аптэчнага шапіка арэндоўвалася ў мясцовай ОРСаўскай крамы.
Жыхары раёна ўжо звярталіся па пытанні аптэкі да чыноўнікаў, але ў дадзеным выпадку не ўсё залежыць ад выканкамаўцаў - аптэка больш камерцыйны аб'ект чым сацыяльны і таму пытанне больш залежыць ад інвестараў чым ад выканкаму. У выніку за 5 гадоў чыноўнікі не змаглі паспрыяць з'яўленню новага аптэчнага шапіку. Цяпер жыхары раёну хочуць звярнуцца непасрэдна да "Белфармацыі", якая і займаецца гандлем лекамі. У сеціве распачаўся збор подпісаў пад зваротам да фірмы з просьбай адчыніць аптэку. Падпісацца ў электронным выглядзе можна тут.
