Хаця лёд яшчэ не стаў моцна, аматары зімовай рыбалкі ўжо паехалі на маленькія рачулкі для свайго хобі. І ўжо з'явіліся першыя ахвяры гэтага хобі.
Пра здарэнне ў Мсціслаўскім раёне паведамляе магілёўская рэдакцыя тэлеканала Беларусь 4. Здарэнне адбылося ў Мсціслаўскім раёна на рацэ Кошанка. 59-гадовы аршанец паехаў на рэчку разам з двума сябрамі. Рыбу яны пачалі лавіць, калі на вуліцы ўжо сцямнела, а рыбалка патрабуе цішыні. Уся кампанія разыйшлася па рацэ так, што не рыбакі не бачылі адзін аднаго і стараліся не шумець. Толькі праз некаторы час двое сяброў пацікавіліся дзе падзеўся іхны трэці кампаньён. Знайшлі яны яго ўжо ў прорубі. На месца былі выкліканыя ратавальнікі, якія дасталі з вады мёртвае цела.
Таўшчыня ільда ў гэты дзень на Кошанцы склада не больш за 5 сантыметраў і шмат у якіх месцах лёд быў у прамоінах. На такі лёд выходзіць небяспечна ды і ў прынцыпе пакуль яшчэ не настаў час падлёдавай рыбалкі.
