Рэгіён, Эканоміка

Даражэе праезд

28.11.2018 15:57

4223 прагляду, 15 каментароў

Прынята рашэнне пра павышэнне кошту на праезд у грамадскім транспарце.

У Гарадзенскай і Віцебскай абласцях падаражэў праезд у гарадскім і прыгарадным транспарце. Гарадзенскі аблвыканкам прыняў адпаведнае рашэнне 20 лістапада, Віцебскі — 22-га. У сераду яны былі апублікаваны на Нацыянальным прававым інтэрнэт-партале. Падаражэнне праезду склала 5 капеек. Цяпер талон каштуе 55 капеек, а калі яго купляць у кіроўцы — 65. Некалькі дзён таму такое ж падаражэнне праезду ў грамадскім транспарце адбылося ў Менскай вобласці. Плануецца яно і ў Менску. Новы старшыня Менгарвыканкама Анатоль Сівак заявіў, што „гэтае пытанне неабходна дэталёва прапрацаваць”, піша Еўрарадыё. Што гэта можа азначаць, пакуль невядома. Паведамлялася, што да канца года праезд падаражэе на 5 капеек (папярэдні раз ён падаражаў у сталіцы 1 лістапада 2017 года).