У параўнанні са сваімі папярэднікамі, сёняшні старшыня Аршанскага райвыканкаму не часта з'яўляецца на публіцы, мала дае інтэрв'ю. Аднак, у сувязі з падпісаннем указа прэзідэнта №506 мэр распавёў пра бліжэйшыя планы абласной газеце "Віцебскія весці".
Так, па словах Ігара Ісачэнка на 2019 год запланавана: рэканструкцыя гарадскога палацу культуры "Орша" (былы ДК Ільнокамбінату), рэканструкцыя і капітальны рамонт стадыёна ў Балбасава, аднаўленне гатэля насупраць Лядовага палацу. У вытворчай сферы: рэканструкцыя мясакамбінату, мадэрнізацыя інструментальнага заводу, Оршааграпраммашу і ПАКа. Найбольш арыгінальная ідэя для прыцягнення турыстаў у горад - правядзенне брэндавага мерапрыемства рэспубліканскіх "Ільняных дажынак".
