Новым кіраўніком аршанскіх ратавальнікаў стаў Аляксандар Валер'евіч Ярмош. Усё жыццё ён працаваў у супрацьпажарнай сферы. А большую частку сваёй працоўнай дзейнасці праслужыў у Наваполацку. У 2004 годзе быў пераведзены ў Віцебск дзе з часам стаў намеснікам старшыні абласнога ўпраўлення МНС.
Працоўная біяграфія Ярмоша падобная на біяграфію Ігара Ісачэнкі (сёняшні старшыня выканкаму) - ён таксама пачынаў грамадзянскую работу (пасля звальнення з войска) у Полацку, доўга там працаваў, а потым быўш пераведзены ў Віцебск і ўжо адтуль у Оршу.
Куды адпраўлены папярэдні начальнік МНС Кірыл Курак пакуль нідзе не паведамлялася, але да канца свайго тэрміну ён застанецца дэпутатам райсавету. Хаця служба ў МНС не самая публічная сфера, Кірыл Курак даволі часта з'яўляўся на публіцы і ў мясцовых СМІ. Магчыма, што перш за ўсё аршанцам ён запомніцца рэканструкцыяй цэнтральнай пажарнай частцы ў Оршы, якая пасля рамонту стала амаль арт-аб'ектам.
Фота сайта Віцебскі кур'ер
