Аўтамабіль Лада Урбан завод купіў яшчэ ў красавіку 2018 года - паведамляе сайт "Народныя навіны Віцебска" са спасылкай на прэс-службу Камітэта дзяржкантроля Віцебскай аобласці. Каштавала легкавушка 19.500 рублёў. Здавалася б нічога дзіўнага - прадпрыемствы нярэдка набываюць аўтамабілі для службовага карыстання. Але, як выявілі дзяржаўныя кантралёры, прадпрыемства ўжо мела 5 службовых аўтамабіляў і 560.000 пратэрмінаванай запазычанасці за энэргарэсурсы. Пры гэтым указ прэзідэнта №119 падпісаны яшчэ ў 2013 годзе забараняе прадпрыемствам якія маюць запазычанасці па энэргарэсурсах набываць аўтамабілі.
Падобную сітуацыю Дзяржкантроль выявіў і на прадпрыемстве "Малькава" з суседняга Лёзненскага раёна. Тут пры наяўнасці запаўычанасці каля 16.000 рублёў, патрацілі на машыну Шэўрале 25.400 рублёў, а дазвол на набыццё аўто ў абыход указа даў мясцовы аддзел эканамікі.
Цяпер чыноўнікі якія парушылі указ №119 будуць прыцягнуты да адміністратыўнай і дысцыплінарнай адказнасці.
