Мясцовы Талачынскі хлебзавод, ці хутчэй, хлебны цэх вырабляў парадку 15 відаў прадукцыі і даваў працу для 24 чалавек. Прадпрыемства належыла мясцоваму РайПО, але ў гэтым годзе обласное кіраўніцтва спажывецкай кааперацыі пачало рыхтаваць РайПО да ліквідацыі ў сувязі з банкруцтвам. Пакуль яшчэ працэс банкрутства не распачаўся - па закону для гэтага патрэбна рашэнне суда, але прадпрыемства ўжо рызтуецца перадаваць сваю маёмасць іншым арганізацыям. Гандлёвыя аб'екты па ўсім раёне, рэстаран і галоўны ўнівермаг раёна будуць перададзеныя, або прададзеныя. А, вось, хлебны цэх зачынецца цалкам. На дадзены момант у хлебзавода няма ўжо грошай, каб закупаць муку ды іншыя інгрэдыенты, адзін будынак прадпрыемства ўжо прададзены, але грошай на сплату пазыкаў, падаткаў і заробкаў усё адно не хапае. Работнікам зараз плоцяць 2/3 ад звычайнага заробку і ўжо азнаёмілі з вакансіямі ў раёне, якіх, відавочна, не дастаткова. З 1 лютага прадпрыемства і ўвогуле прастойвае.
Дзяржаўны гандаль не вытрымлівае канкурэнцыі з прыватнымі гандлярамі і Талачынскае РайПО тут не выключэнне. Не так даўно, нагадаем, было ліквідаванае і Аршанскае РайПО на змену якому ў большасці населеных пунктаў прыйшоў "Еўраопт" ці прыйдзе "Еўраопт" і ў Талачын пакуль не паведамлялася.
Сітуацыя з працай у рэгіёне, аб'ектыўна, складаная. Нагадем, што ў дадзены момант у працэсе ліквідацыі таксама знаходзіцца "Коханаўскі ільнозавод". Яго маёмасць ужо выставілі на аўкцыён, бліжэйшы аўкцыён пройдзе 19 лютага.
