Здарэнне адбылося яшчэ ў першай палове мінулага года, але следства ішло вельмі доўга, адкрываючы новыя падрабязнасці. Так, высветлілася, што жыхар Шклова, які быў за стырном у той вечар знаходзіўся пад уздзеяннем наркотыкаў. Таксама аказалася, што аўтамабіль Опель быў не зусім спраўны - у яго кепска функцыянавалі тармазы. Больш за тое ён яшчэ і крыху перавысіў хуткасць. Замест дазволеных тут 40 кіламетраў у гадзіну, ехаў 45.
За гэты час стала вядома і што здарылася са школьніцай - у выніку аварыі яе твар быў знявечаны, што застанецца цяпер на ўсё жыццё - паведамляе сайт "Народныя навіны Віцебска" са спасылкай на прэс-службу абласнога суда.
У выніку суд прызнаў жыхара Шклова вінаватым у парушэнні правілаў і прысудзіў да 2 з паловай гадоў "хіміі". Таксама абвінавачаны мусіць сплаціць дзяўчынцы кампенсацыю ў памеры 10.000 рублёў.
