Усе гэтыя крамы ўжо даўно не працуюць і будаваліся яшчэ ў савецкія часы, затое - улічваючы савецкую гігантаманію - маюць вялікія плошчы і шэраг плюсаў у сваім размяшчэнні. Так, на продаж выстаўляецца крама па вуліцы Дэпаўская д.2 - гэта былая крама каля папулярнай "Дэпаўской сталоўцы" Зараз яна ўжо закалочана і - як і астатнія прадаваемыя - не працуе. Затое сталовая вельмі папулярная і за кошт яе наведвальнікаў, у тэорыі, можа развіцца і крама.
Яшчэ дзве крамы ў адным памяшканні прадаюцца па вуліцы Станцыённая на Заходняй. Тут раней размяшчалася крама №22. Пазней у гэтым жа будынку знаходзілася мясцовая бібліятэка, але пад час капітальнага рамонту дамоў (а крама была размешчана ў жылым трохпавярховым доме) ОРС не стаў аплочваць рамонт камунікацыяў у сваёй частцы будынкаў. У выніку, першыя паверхі дзе была бібліятэка засталіся без ацяплення, што і стала прычынай пераезду бібліятэкі. Адпаведна, акрамя касметычнага рамонту і пераабсталявання гэтых крамаў новаму ўласніку давядзецца рабіць тут і ацяпленне. З іншага боку, на Заходняй пры вялікай колькасці жыхароў да гэтае пары няма аніводнага паўнавартаснага гандлёвага цэнтру. ОРС у гэтым раёне манапаліст на пастаўку прадуктаў, канкурэнцыю яму складаюць толькі маленькія прыватныя крамкі. А плошча крамы (у савецкія часы на гэтых плошчах размяшчалася дзве крамы і міні-кавярня) дазваляе разгарнуць тут велізарны гандаль. І гэта пры наяўнасці побач аўтобуснага прыпынку ды чыгуначнай станцыі. У тэорыі, новаадкрытая крама ў гэтым памяшканні магла б стаць цэнтрам усяго гандлю на велізарным раёне - выканкам выдзяляў тут два месцы для будаўніцтва гандлёвых цэнтраў, але набыць гатовы танней чым будаваць новы.
Таксама на продаж выстаўлена - але заяўкі на ўдзел у гэтым аўкцыёне трэба падаваць на тыдзень раней - крама па вуліцы Міра 71. Для мясцовых больш зразумелым будзе адрэса завулак Інжынерны - тут знаходзіцца жылы дзевяціпавярховік пры якім і знаходзіцца будынак крамы. Крама мае велізарную плошчу і ў свой час будавалася, бо ў гэтым квартале ўвесь прыватны сектар планавалася памяняць на 9-павярховікі. Планы гэтыя праваліліся, а сама крама прапрацавала не доўга. І ўжо парадку двух дзесяткаў год стаіць закалочанай. Рамонт тут таксама будзе неабходны, бо будынак крамы цярпеў і ад бамжоў, якія тут жылі і ад дзяцей, якія сюды лазілі.
