Працягваюцца разбіральніцтвы дзяржаўных органаў вакол сітуацыі ў вёсцы (аграгарадку) Межава. На гэты раз за парушэнні быў прыцягнуты да дысцыплінарнай адказнасці старшыня Межаўскага выканкама М.С.Баркоўскі. Як адзначае грамадскі актывіст Ігар Грышанаў, які ўжо з паўгода займаецца праблематыкай Межава і абаронай тутэйшай экалогіі, яму паступаюць званкі з розных куткоў Беларусі і нават з замежжа. Як распавёў спадар Грышанаў рэдакцыі orsha.eu, тэлефануюць яму пераважна былыя жыхары Межава і іншыя людзі, якія нейкім чынам звязаныя з вёскай. Ім неабыякавы лёс малой радзімы, таму яны дзякуюць людзям, якія займаюцца лакальнымі праблемамі. Было нават тэлефанаванне з Іспаніі, дзе цяпер жыве сямейная пара, якая паходзіць з Межава.
Цяпер чакаецца афіцыйны адказ Камітэту дзяржкантролю па праверцы сітуацыі на месцы. Orsha.eu будзе сачыць за развіццём падзей. Экалогія, чысціня Межава, Аршаншчыны, Беларусі — будучыня нашых дзяцей.
На фота: Ігар Грышанаў, калі ўпершыню пабачыў зробленае ў Межаве, не мог схаваць расчаравання. Момант трапіў у аб'ектыў карэспандэнта Orsha.eu.
У тэму:
У Межаве знішчылі спіртзавод і хочуць зруйнаваць рэшткі будынкаў сярэдзіны 19 стагоддзя
Рака Скуп'я, якая ўпадае ў Аршыцу, поўная каналізацыйных адкідаў (+фота)
Жыхары Межава ўжо стаміліся ад пустых словаў камунальнікаў і чыноўнікаў (+відэа)
Пасля адказу Аршанскага выканкама аб сітуацыі ў Межаве праінфармавалі Камітэт дзяржкантролю (+фота)
Аршанскі міжраённы камітэт Дзяржкантролю даручыў разабрацца з экалагічнай сітуацыяй у в.Межава
Про@Rock
Нормальный процесс, всё, что создано, будет разрушено временем и людьми. Вечно живой только Ленин.