Сёння надвор'е не спрыяла масаваму святкаванню. Таму, напэўна, мітынг і стаў самым масавым мерапрыемствам на 9 мая ў Оршы. Хаця ў параўнанні з іншымі гадамі і мітынг быў меньш масавым ды і даволі кароткім - агулам усё мерапрыемства заняло не больш за 30 хвілін.
Традыцыйна каля помніка на скрыжаванні Астроўскага і Міру сабралі прадстаўнікі прадпрыемстваў і грамадскіх арганізацыяў. Прыемная асаблівасць аршанскіх святкаванняў Дня Перамогі - тое, што гэтае свята, сапраўды, аб'ядноўвае людзей з рознымі поглядамі і палітычнымі пераканання. У адной калоне ішлі ўскладаць кветкі прадстаўнікі Федэрацыі прафсаюзаў і прадстаўнікі незалежнага прафсаюза РЭП, прадстаўнікі Камуністычнай партыі Беларусі і кааліцыі дэмакратычных сілаў.
Камуністы, дарэчы, не абмежаваліся толькі ўскладаннем кветак ў агульнай калоне - пасля мітынгу ян наведалі яшчэ і помнік у гарадскім парку.
На фота: прадстаўнікі КПБ са "Сцягам Перамогі" перад ускладаннем кветак
На фота: прадстаўнікі кааліцыі аб'яднаных дэмакратычных сілаў ускладаюць вянок да помніку.
