Орша, Спорт

«Орша» прымае «Спадарожнік»

27.06.2019 20:50

1574 прагляду, 0 каментароў

У нядзелю, 30-га чэрвеня, футбалісты «Оршы» прымуць гасцей з Рэчыцы.

Пакуль у чэмпіянаце краіны пасля 11 тураў аршанцы займаюць 8-ю пазіцыю, маючы на рахунку 13 ачкоў. У рэчыцкага «Спадарожніка», які прыедзе да аршанцаў у госці, 21 ачко, 4-я пазіцыя і наперадзе барацьба за пуцёўку ў Вышэйшую лігу. Матч быў перанесены на 30-га чэрвеня, бо ў сераду «Спадарожнік» гуляў матч Кубка Беларусі. Нягледзячы на добры супраціў барысаўскаму БАТЭ, дзейны чэмпіён краіны ўсё ж абыграў бела-зялёных 5:2 і выбіў яго з турніру.

Цікава, што каманды сустракаліся паміж сабой у міжсезоне, тады «Спадарожнік» выйграў 3:1. Цяпер каманды правядуць афіцыйны матч, ён адбудзецца на Гарадскім стадыёне оршы 30-га чэрвеня і пачнецца а 17:00.