Орша, Спорт

«Орша» згуляе ў Бабруйску

05.07.2019 09:40

3176 праглядаў, 0 каментароў

6-га ліпеня аршанскія футбалісты прыедуць да «Белшыны».

Перад 13-м турам чэмпіянату Першай лігі Беларусі бабруйская «Белшына» мае 28 пунктаў і 2-е месца, «Старт» 13 пунктаў і 9-е месца. Сустрэча адбудзецца 6-га ліпеня на бабруйскім стадыёне «Спартак», пачатак а 17:00.

Блог «Аршанскія стартаўцы» напярэдадні матчу паведаміў некаторыя звесткі пра матчы «Оршы» з «Белшынай».

Супрацьстаяньне нашай каманды з бабруйчанамі мае даўнюю гісторыю. Самы стары матч, зьвесткі пра які ўдалося аднавіць на сёньняшні дзень, адбыўся ў чэрвені 1962 года — 57 гадоў таму. Цікава, што тады бабруйская каманда называлася... «Стартам», а мы станем «Стартам» толькі праз тры гады, а тады насілі назву «Машынабудаўнік». Той паядынак адбыўся ў Воршы, і аршанцы перамаглі сваіх супернікаў 3:1. У пачатку 70-х у матчах з аршанцамі на поле выходзіў яшчэ зусім малады бабруйчанін Аляксандар Пракапенка, які празь некалькі гадоў стане суперзоркай беларускага футболу.

Усяго ў часы незалежнай Беларусі «Орша» і «Белшына» правялі паміж сабой 7 матчаў, у якіх бабруйчане здабылі 5 перамог, а сіня-белыя толькі адну.