Журналісты «Радыё Свабода» стварылі інтэрактыўную карту візітаў Аляксандра Лукашэнкі ў розныя рэгіёны Беларусі за 25 гадоў. Пры гэтым ёсць дзіўныя рэчы. Калі ў Аршанскім раёне Лукашэнка быў каля 25 разоў, дык у суседнім Шклоўскім звыш 25, гэта найпапулярнейшае месца ягоных візітаў. Тое і нядзіўна, улічваючы, што гэта радзіма прэзідэнта. Аднак пры гэтым на поўнач ад Аршанскага раёна — на Сенненшчыне і Лёзненшчыне Лукашэнка не быў ніколі! Як тлумачыць палітычны аглядальнік Валер Карбалевіч, у гэтым можна знайсці сваю логіку. Калі з Аршаншынай і Шклоўшчынай Лукашэнка звязаны ад нараджэння, дык у Віцебскай вобласці ён у цэлым не быў у кожным трэцім раёне: Віцебская вобласьць у плане сельскай гаспадаркі — самая праблемная ў Беларусі. І чаго туды езьдзіць? Каб чарговы раз убачыць брудных кароў?

Словы Карбалевіча пацвярджаюцца практыкай. Шаркаўшчынскі, Лепельскі, Вушацкі, Шумілінскі, Сенненскі і Лёзненскі раёны ўваходзяць у спіс самых бедных у краіне. Тут вялікія праблемы з вытворчасцю, нізкія зарплаты, выхадцы з гэтых раёнаў масава ездзяць на заробкі ў Менск і за мяжу, шмат хто назаўсёды пакінуў родны край, частка чакае істотных зменаў у краіне, каб развіваць нейкі бізнес дома, а пакуль зарабляе ў іншых месцах.

Усяго Лукашэнка ніколі не наведваў 16 раёнаў Беларусі.