Орша, Спорт

Абласное дэрбі за намі

15.07.2019 12:35

1302 прагляду, 0 каментароў

«Орша» ўпэўнена перамагла «Нафтан» на яго полі.

Паядынак 14-га туру чэмпіянату Беларусі па футболе ў Першай лізе прайшоў у Наваполацку. «Нафтан» ужо на 3-й хвіліне адкрыў лік пасля аўтагола Давіда Самедава. Аднак аршанцы літаральна ў наступнай атацы намаганнямі Дзмітрыя Іванова зраўнялі лік, а на 15-й хвіліне Мікіта Іваноў вывеў сіня-белых наперад. Пратрымацца да канца тайму аршанцам рэдка ўдаецца, здарылася так і на гэты раз, на 39-й Лавал робіць лік 2:2.

Але ў другім тайме аршанцы арганізавана згулялі ў абароне, не дазволіўшы навапалачанам амаль нічога. А яшчэ два галы Дзмітрыя Іванова на 54-й і 78-й хвілінах прынеслі аршанцам выязны поспех — 4:2, і «Орша» падымаецца на 9-е месца ў табліцы. «Нафтан» усё яшчэ вышэй, але апярэджвае аршанцаў толькі на 1 пункт.