1 USD
= 2.61 BYN
1 EUR
= 3.15 BYN
10 PLN
= 6.95 BYN
10 CNY
= 4.03 BYN
100 RUB
= 3.55 BYN
100 UAH
= 9.38 BYN
09:00

+0

5 м/с

984 гПа

12:00

+0

5 м/с

983 гПа

15:00

+0

5 м/с

982 гПа

18:00

+0

5 м/с

982 гПа

21:00

-1

2 м/с

983 гПа

Орша, Спорт

А ці ўсё было сумленна?

16.07.2019 20:43

3029 праглядаў, 18 каментароў

Футбольны турнір у Оршы на прызы Пятра Качуры скончыўся скандалам.

У Оршы 12-13 ліпеня прайшоў турнір на прызы Пятра Качуры. Знакаміты выхадзец з Оршы — адзін з лепшых футбалістаў горада за ўсю гісторыю, таму ўжо адно ягонае імя дадало аўтарытэту турніру і прыцягнула каманды. На спаборніцтвы заявіліся нават калектывы з Расеі і далёкага ад Оршы Берасця. А ўсяго ў змаганнях удзельнічалі 8 каманд, згодна з рэгламентам турніру гульцы на ім павінны былі быць 2009-2010 гадоў нараджэння. Тры каманды прадстаўлялі Оршу.

Група А:

Акадэмія «Дынама» (Берасце)

Вязьма

ФСК Орша

СДзЮШАР-2 (Орша)

Група Б:

Смаленск

Вітэн (Орша)

Камсамолец (Віцебск)

Лёзна

Каманду СДзЮШАР-2 узначальвае Дзмітрый Суздальцаў, які ў мінулым годзе выйграў Першую лігу з гульцамі 2002-2003 гадоў нараджэння. Каманду «Вітэн» трэніруе вядомы па футболе і міні-футболе Ігар Івулін. Заявілася на турнір і каманда ФСК «Орша». У групе СДзЮШАР-2 выйграла ў Вязьмы 5:0, але пасля прайграла берасцейскай Акадэміі 0:4. А затым грымнуў скандал.

У наступнай гульні юныя гульцы СДзЮШАР-2 прайгралі землякам з ФСК 0:5. У ходзе гэтай сустрэчы трэнер першых Суздальцаў падаў пратэст. Высветлілася, што ў камандзе ФСК гулялі дзеці 2005-2006 гадоў нараджэння, гэта значыць старэйшыя на 3-4 гады за век, дазволены рэгламентам. У першы дзень спаборніцтваў пратэст прынялі, і каманда дзіцяча-юнацкай школы мелася гуляць у паўфінале. Але на наступны дзень хлопцы з каманды СДзЮШАР-2 нечакана для сябе даведаліся, што ў паўфінале згуляюць не яны, а каманда ФСК. Прычым дзеці ў той камандзе, па словах гульцоў СДзЮШАР-2 і іх бацькоў, якія назіралі за матчамі ў абодва гульнявых дні, былі ўжо іншыя. Але і ў паўфінале ў новым складзе ФСК былі падстаўныя гульцы, гэта значыць старэйшага ўзросту. Убачыўшы гэта, трэнер каманды СДзЮШАР-2, якая прыбыла на стадыён цалкам перакананая, што згуляе ў паўфінале, Дзмітрый Суздальцаў пайшоў да арганізатараў. Мэтай было разабрацца, што адбываецца. Але яго заява не была разгледжана, і ў выніку СДзЮШАР-2 знялі з турніру.

Спаборніцтвы выйграла каманда берасьцейскай Акадэміі, якая ў фінале справілася з прадстаўнікамі Смаленску. Эмоцыі гульцоў каманды з берагоў Бугу, іх трэнераў і бацькоў былі самыя станоўчыя. А ў прадстаўнікоў некаторых іншых каманд уражанні ад турніру засталіся не такія пазітыўныя. Трывогу білі і юныя футбалісты віцебскага клуба «Камсамолец», і прадстаўнікі Вязьмы. Яны таксама звярнулі ўвагу арганізатараў турніру, у тым ліку намесніка старшыні Аршанскага райвыканкама Сяргея Паца і самога Пятра Качуры, на прызы якога і праводзіўся турнір, на прамое парушэнне рэгламенту з боку каманды ФСК «Орша». У правілах, акрэсленых перад турнірам, пазначалася, што ў ім павінны гуляць выключна футбалісты 2009 і 2010 гадоў нараджэння. З веданнем гэтага рэгламенту ў Оршу ехалі і прадстаўнікі каманд з іншых гарадоў. Але ў выніку ім супрацьстаялі гульцы на некалькі гадоў старэйшыя, што ў дадзеным веку крытычна. Усе пратэсты былі адхіленыя, было заяўлена, што турнір праведзены ў адпаведнасці з правіламі.

Атрымаўшы шмат каментароў пад артыкулам пра афішу турніру, а таксама тэлефанаванні і электронныя лісты ад бацькоў юных футбалістаў, рэдакцыя Orsha.eu вырашыла выслухаць і іншы бок. Наш карэспандэнт звярнуўся да самога Пятра Качуры з просьбай пракаментаваць, як завязаўся скандал і хто вінаваты. Вось якая адбылася размова:

Карэспандэнт (Orsha.eu): Ці сапраўды ў складзе адной з каманд на турніры былі так званыя «падстаўныя» гульцы?

Пётр Качура (П.К.): Перапрашаю, нагадайце, які вы сайт?

Orsha.eu: Аршанскі рэгіянальны партал orsha.eu.

П.К.: Я не разумею, а чаму вас так цікавіць гэтая тэма?

Orsha.eu: Мы атрымалі адразу некалькі тэлефанаванняў і лістоў з просьбай разабрацца ў сітуацыі. Нам пішуць бацькі футбалістаў аршанскіх і віцебскай каманд.

П.К.: А чаму вы не хочаце напісаць пра станоўчыя эмоцыі пераможцаў, іх трэнераў, бацькоў?! Турнір стаўся для іх святам. Гэта што, нейкі замоўлены артыкул?

Orsha.eu: Чаму замоўлены? Тады б вам ніхто не тэлефанаваў, а мы хочам высветліць. Вы арганізатар турніру. Мабыць, бацькі маюць няправільную інфармацыю... Вы скажэце, былі падстаўныя гульцы на турніры ці гэта домыслы?

П.К.: Вам больш няма пра што пісаць?!

Пётр Качура. Фота сайту football.by

Orsha.eu: Мы разабрацца хочам. Многія бацькі засталіся незадаволенымі, юныя футбалісты плакалі, калі іх не пусцілі ў паўфінал.

П.К.: Ведаеце, мне не хочацца размаўляць з гэтымі незадаволенымі бацькамі, як і з вамі. Так можаце і напісаць... (гудкі ў слухаўцы)

Бацькі юных футбалістаў распавялі нам, што расчараваныя турнірам. Яны разлічвалі на тое, што турнір на прызы такога вядомага футбаліста будзе справядлівым, а ў выніку ім давялося перажываць, што нехта з іх дзяцей атрымае траўму ў сутыкненні са значна старэйшым за сябе па ўзросце. «У такім веку, калі нашым дзецям па 8-10 гадоў, вельмі вялікая розніца ў фізічных магчымасцях з хлопцамі 13-14 гадоў. І яна перакрывае ўзровень тэхнічнай падрыхтоўкі, тыя хлопцы падлеткі ўжо, яны і хутчэй, і мышачная маса ў іх большая ў сілу фізіялагічнага развіцця», — паведаміла нам адна з мамаў.

Бацькі і трэнеры, якія апынуліся ў эпіцэнтры скандалу, падкрэслілі, што з імпэтам успрынялі намер правесці турнір у Оршы. Гораду не хапае такіх змаганняў, юнакі хочуць і любяць правяраць свае сілы ў матчах з камандамі іншых гарадоў і краін. Аднак хочуць рабіць гэта ў турнірах, дзе шануецца рэгламент і няма такіх грубых яго парушэнняў. «Што казаць пра дамоўныя матчы ў Найвышэйшай лізе ці подкуп суддзяў на дарослым узроўні, калі нашыя дзеці ўжо на самым старце кар’еры сутыкаюцца з несправядлівасцю, а арганізатары турніру пакрываюць свае ж парушэнні?!» — яшчэ адна фраза з маналогу бацькоў.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: А ці ўсё было сумленна?

Футбольны турнір у Оршы на прызы Пятра Качуры скончыўся скандалам.

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты orsha.eu@gmail.com

Пользовательское соглашение