25 траўня наша каманда стартуе ў Кубку Беларусі-2014/15. У 1/64 фіналу "сіня-белыя" адправяцца ў госьці да "Горак", якія заваявалі Кубак Магілёўскай вобласьці. Матч пачнецца а 17-00.
З "чырвона-сінімі" наш клуб даўно не сустракаўся. Дзесяць год таму "Горкі" гулялі ў 2-й лізе і двойчы "Орша" пераканаўча даказвала сваю перавагу - 6:0 у гасцях і 4:1 дома. У тым чэмпіянаце аршанцы сталі 2-мі і пайшлі на павышэнне ў 1-ю лігу, а "Горкі" былі 11-мі сярод 13 клубаў. Праз два гады, у 2006-м "Орша" зноў апынулася ў адной лізе з "Горкамі". Ізноў наш клуб быў мацнейшым у абодвух матчах - 5:1 дома і 1:0 у гасцях. Тады "сіня-белыя" фінішавалі 12-мі, а "Горкі" замкнулі табліцу з 17 клубаў.
